Resepte Afrikaans - Aartappel Resepte 1                    Na: Uit die Kombuis                              Home Keurige Aartappel Resepte Aartappel Bredie 1kg bolo of diklies Meelblom Kookolie om in te braai 2 uie - in skywe ½ Rissie - gekap 10g sout (10 ml) 500mg peper (1ml) 500ml vleisaftreksel 8 Klein aartappels - geskil Sny die vleis in porsies, bestrooi met meelblom en braai dit in 'n dikboomkastrol in die warm oilie.  Roer en braai totdat al die stukkies egalig bruin is.  Voeg die ui by en sorteer nog 'n rukkie.  Voeg die rissie, sout, peper en vleisaftreksel by, plaas die deksel op en laat sag pruttel 2½ -3uur lank.  Plaas die aartappel bo-op, geur met sout en peper en pruttel nog 30min.   Meer vleisaftreksel kan by gevoeg word as dit nodig is. Aartappel-Kebabs 12 Klein aartappeltjies 2 repe spekvleis 6 klein sampioene 6 klein uie 250g lamvleis in blokkies gesny 3 frankfurter worsies 20g botter (25ml) - gesmelt Kook die aartappels halfgaar en dreineer.  Braai die spekvleis, sampioene, uie, lamvleis en wors effens bruin. Sny elke reep spekvleis en worsie in drie tot vier stukke. Ryg van die aartappels, spekvleis, sampioene, uie, worsies en vleis afwisselend op dun sosatiestokkies.  Kwas met botter en rooster tot goudbruin.  Kook die res van die aartappels gaar, geur, sny in blokkies en sit die kebabs daarop voor. Aartappel-Vispastei 1 ui - fyngekap 20g botter (25ml) 750g koue vis - gepluis 5 gaar, medium aartappels - fyngedruk 5g sout (5ml) 500mg peper (1ml) 250mg gerasperde neut (0,5ml) 180g fyngesnyde sampioene (250ml) of 200g geskilde tamatieskywe (250 ml) 2 hardgekookte eiers - in skywe Bechamelsous 40g gerasperde kaas (125ml) of 25g vars broodkrummels (125ml) suurlemoenskyfies tamatiewiggies pietersielie Sorteer die ui in ½ van die botter, meng met die vis, aartappel, sout, peper en neut.  Skep  afwisselende lae hiervan, die sampioene of tamatie, die eierskywe en die Bechamelsous in 'n gesmeerde bakskottel.  Eindig met 'n souslaag.   Strooi gerasperde kaas of broodkrummels oor en stip met die res van die botter.  Bak 200°C tot goudbruin.  Garneer met suuelemoen-skyfies, tamatiewiggies en pietersielie.