Resepte Afrikaans - Piesang geregte                     Na: Uit die Kombuis                             Home Heerlike Piesang Geregte Inhoud Kerrietuna-kelk Hoender met piesang en spek Varktjops met piesangs Piesang-en-eierpastei Piesang-kebabs Piesang-oliebolle Kerrie-piesang Piesang-patat Prakseer met Piesangs Kerrietuna-kelk 1 klein slaaikoppie, gesnipper 195 g-blik tuna 75 ml mayonnaise 12,5 ml kerriepoeier 25 ml suurlemoensap 3 piesangs 1 suurlemoen paprika suurlemoenwiggies olywe Verdeel die gesnipperde slaai tusen 6 kelkies Dreineer en vlok die tuna.Meng die mayonnaise, kerriepoeier en suurlemoensap baie goed. Sny die piesangs in dun skywe en voeg dit by die gevlokte tuna. Meng dit liggies met die mayonnaise-mengsel.   Skep op gesnipperde slaai in kelkies. Besprinkel met paprika. Garneer met suurlemoenwiggies en olywe. Lewer 6 porsies. Hoender met piesang en spek 50 ml meelblom 10 ml uiesout 5 ml paprika 8 piesangs 1,5 kg hoender, in stukke gesny 250g spek, gesnipper 250 ml hoenderaftreksel Meng meelblom, uiesout, paprika en peper en rol die hoenderstukke in die mengsel.Plaas die gesnipperde spek op die bodem van 'n kastrol. Rangskik die hoenderstukke daarop en giet die hoenderaftreksel oor.   Sny vier van die piesangs in 1  cm-skywe en voeg by die inhoud van die kastrol.  Plaas die deksel op die kastrol en kook stadig vir 1 1/2 uur. Sny nou die res van die piesangs in kwarte en voeg dit ook by die hoender.  Laat nog 30 min stadig kook.Draai die hoenderstukke gereeld om. Plaas die hoender op opskepskottel en skep die spek en piesang daaroor voordat dit voorgesit word. Lewer 6 porsies. Varktjops met piesangs Sous 200 ml tamatiepuree 25 ml suurlemoensap 1 fyngekapte ui 12,5 ml Worcestersous sout na smaak Meng al die bestandele van die sous. 4 varktjops 12,5 ml olie 4 naeltjies 2 piesangs, in skywe gesny 2 patas, geskil en in skywe gesny 25 ml bruin suiker 12,5 ml botter Laat die vleis 1-2 uur lank in die sous lé. Steek 'n naeltjie in elke tjop.Pak in 'n oondskottel wat met die olie gesmeer is. Pak die piesang- en patatskywe bo-oor. Strooi die suiker oor. Stip met botter en bak in 'n matige oond 180°C (350 °F) totdat die vleis sag en bruin is. Lewer 4 porsies. Piesang-en-eierpastei 5 groot aartappels, gekook en fyngemaak 1 ui, gekap 4 repies spek, gekap 4 piesangs 4 eiers sout rooipeper Voer 'n vuurvaste bak met 'n dik laag fyn aartapels uit.   Sorteer die gekapte ui en spek en strooi dit oor die aartappel. Sny die piesangs in die lengte deur en rangskik op die aar-tappel om vier vierkante te vorn. Breek 'n eier in elke vierkant oop en sprinkel sout en rooipeper daaroor.   Bak by 180°C (350°F) vir 20 min, of tot eiers gaar is. Lewer 4 porsies. Piesang-kebabs 6 piesangs 115g - blik sampioene 6 tamaties 12 klein uitjies 60g botter Sny elke piesang in drie.  Ryg die stukke piesang afwisselend met die uitjies, tamaties en sampioene op 4-6 metaal- vleis-pennetjies.Gebruik 'n deegkwassie en smeer die kebabs liggies met 'n derde van die botter. Plaas onder die rooster vir 5 min.  Draai die kebabs om en smeer weer met botter.  Herhaal drie maal.  Bedien op rys saam met 'n groen slaai. Lewer 4-6 porsies. Piesang-oliebolle 2 eiers                                           250 ml suiker 125 ml gesmelte botter 20 ml bakpoeier 500g meelblom 1 ml sout 2 ml fyn kaneel 2 ml gerasperde neut 1 ml fyn naeltjies 250 ml suurmelk kaneelsuiker 1 ml koeksoda Klits die eiers lig en skuimerig en voeg die suiker en botter by.  Roer totdat al die suiker gesmelt is. Sif die droë bestandele en roer dit afwisselend met die melk in die eier-en-suiker-mengsel. Dit moet 'n effense slap maar tog rolbare deeg vorm. Rol die deeg 8 mm dik uit op 'n meelbestrooide plank. Druk uit met 'n oliebol-drukker of gebruik 'n skonvormpie.Druk dan met 'n groot vingerhoed 'n gat uit in die middel van elke vormpie. Maak die gat met die vinger grootter.Braai 'n paar op 'n slag bruin in warm, diep vet. Draai elke oliebol eenmaal om. Dreineer op bruin papier en strooi kaneelsuiker oor. Eet by stomende koffie. Lewer 16-20 oliebolle