Resepte Afrikaans - Aartappel Resepte 2                     Na: Uit die Kombuis                      Home Nog meer Keurige Aartappel Resepte 2 Hollandse Aartappelsop 3 Repe spekvleis 6 Medium aartappels - in blokkies gesny 2 Uie - fyngekap 500 ml kookwater 500 ml melk 5 g sout ( 5ml) 500 mg peper (1ml) 10 g fyngekapte pietersielie ( 25ml) Snipper die spekvleis en braai bros. Voeg die aartappelblokkies, ui en kookwater by. Pruttel totdat die aartappels sag is. Voeg die melk by en kook nog 5 minute lank. Voeg sout en peper by en strooi die fyngekapte pietersielie oor. Aartappelroomsop 1 Liter melk 1 ui - in skywe gesny 45 g botter ( 50ml) 12 g meelblom ( 25ml) 440 g fynaartappel ( 500 ml) 5 g sout ( 5 ml) 500 mg peper ( 1ml) 5 g fyngekapte pietersielie ( 12, 5 ml) Giet die melk in n kastrol, voeg die ui by en bring tot kookpunt. Dreineer die melk om die ui te verwyder. Berei n witsous: Smelt n derde van die botter in n pan. Voeg die meelblom by, gevolg deur die melk terwyl geroer word todat die mengsel kook - vir 3 minute. Roer die aartappel, sout, peper en die res van die botter by. Strooi die pietersielie bo oor en sit voor saam met vars bruinbrood, botter en gerasperde kaas.