Hemelse Karamel Amarula Sjokoladekoek            Na: Uit die Kombuis                  Home Dames, hierdie Karamel Amarula Sjokoladekoek is werklik hemels. Familie en vriende sal histeries hieroor wees. Bestandele 60ml Kakao 125 ml Kookwater 3 eiers 220ml Suiker 60ml Olie 250ml Koekmeel 10ml bakpoeier 2ml Sout Stroop 200ml Suiker 250ml Water 60ml Amarula-likeur (of gebruik Vanilla essence) soos verkies 1 Blik Karamelkondensmelk Styf geklopte room vir versiering Flake-sjokolade Stel oond op 180 grade Celsius Beslag Meng kakao met kookwater en laat dit afkoel Klits eiers, suiker en olie saam, voet koue kakaomengsel by en meng deeglik. Sif res van droë bestandele by en meng goed. Skep in 22cm x 30cm-pan en bak ongeveer 20min of tot toetspen skoon uitkom. Stroop Kook suiker en water saam vir 5min en verwyder van stoof.  Voeg Amarula(of Vanilla essence) by en roer goed. Prik koek met vurk sodra dit uit die oond kom en gooi warm stroop oor. Laat goed koud word. Versier. Wanneer koek koud is smeer karamelkondsmelk en styf geklopte room oor.  Jy kan eers karamelkondsmelk oorsmeer en dan die room. Versier met Flake(of enige ander sjokolade) - verkieslik nie Peppermint Crisp nie want dit belemmer die smaak) Wenk: Meer Amarula kan gebruik word indien verkies. Geniet!!