Aartappel Geregte                                               Uit die Kombuis                                 Home Aartappel soppe Vegetariese Sop 175g lensies (250 ml) 20g gort (25 ml) 10g rys (12,5 ml) 3 medium worterls - gerasper 1 medium ui - fyngekap 1 stengel seldery - gekap 3-4 medium tamaties - in kwarte gesny 1 liter water 3-4 groot aartappels 20g botter (25 ml) melk en water 500g peper (1 ml) 10g sout (10 ml) 180g gaar ertjies (250 ml) Metode: Bedek die lensies, gort en rys met water.  Week oornag of ten minste 1 uur lank.  Plaas dit in `n kastrol saam met die wortel, ui, seldery en tamaties.  Voeg die water by en pruttel totdat die gort en lensies sag is, ongeveer 20 - 30 minute lank.   Rasper die aartappels en voeg dit by die sopmengsel, roer die botter by en voeg gelyke hoeveelhede melk en water by om `n medium dikte te verkry.  Voeg sout en peper by, bedek en pruttel totdat die aartappel sag is.  Voeg gaar ertjies by net voordat voorgesit word. Aartappel de Luxe 6 medium aartappels                        2 medium uie - fyngekap 20g botter (25 ml)                             10g sout (10 ml) 500mg peper (1 ml)                           5g bruinsuiker (5 ml) 750ml aartappelwater                       1 eier - geklop 250ml dik room                                  neut Fyngekapte pietersielie Metode: Skil en sny die aartappels in medium stukkies, kook in water totdat dit sag is; dreineer en bewaar die water.  Druk die aartappels fyn, braai die uie in ½ van die botter totdat dit ligbruin is en voeg dit by die aartappelpuree, asook die res van die botter, sout, peper en suiker.  Meng met die aartappelwater, voeg die eier by asook die room en `n bietjie gerasperde neut.   Verhit vir 3min. en roer aanhoudend.  Sit warm voor met `n bietjie fyngekapte pietersielie. Aartappel en bloukaas sop 3 lepels botter                               1 ui - fyngekap 6-8 groot aartappels - geskil en gekap in blokkies 2 kop melk                            2 hoenderaftreksel blokkies opgelos in 2 kop warm water 125g blou kaas - gekrummel Sout na smaak Knippie Cayenne peper 125ml suur room Metode: Verhit die botter en braai uie to sag.  Voeg die aartappels en melk by.  Los die hoenderaftreksel op in warm water en kook oor lae hitte, voeg by aartappels totdat die aartappels sag is.  Versap die mengsel en voeg die helfde van die gekrummelde blou kaas by. Voeg sout en peper by na smaak.  Voeg die ander helfde van die blou kaas by die sop.   Dis op met suur room en `n lepel gekrummelde blou kaas (eenkant gehou vir versieering).