Spesiale Grenadellakoek                  Main page/Hoof bladsy                  Home Iets anders dames. Smullekker. Grenadella lekker. Koek: 250 g margarien 375 ml strooisuiker 4 XL eiers 750 ml koekmeelblom 25 ml bakpoeier 1 X 115 g (blikkie) grenadellamoes 125 ml grenadellasap 250 ml drinkbare grenadellajoghurt 1. Voorverhit oond tot 180°C 2. Voer 2 koekpanne (20cm) met bakpapier of liggies gesmeerde botterpapier uit. 3. Klits margarien en suiker tot lig van kleur en romerig. 4. Voeg eiers een vir een by en klits baie goed met elke byvoeging. 5. Sif droe bestanddele saam en vou om die beurt met grenadellamoes, sap en joghurt by eier-bottermengsel in. 6. Skep beslag in koekpanne en bak vir 30 minute. 7. Laat koeke heeltemal afkoel voordat dit versier word. Versiering: 125 g margarien 500 ml versiersuiker 75 ml grenadellajoghurt 25 ml suurlemoensap 1. Klits margarien en versiersuiker tot lig van kleur. 2. Klits joghurt en suurlemoensap by. 3. Meng goed deur. 4. Smeer kwart van versiering tussen die twee lae en 'n kwart op boonste laag. 5. Versier orige met spuitbuis. 6. Garneer boonste laag met kiwiskyfies.