Resepte Afrikaans - Koffie koekies                              Na: Uit die Kombuis                           Home Koffie koekies Deeg: 2kg Koekmeelblom 7ml sout 500g (625ml) geelsuiker 750g botter/margarine 100g (110ml) uitgebraaide varkvet of kookvet. 500g (400ml) stroop 25ml koeksoda 250ml baie sterk swart koffie 12,5ml vanieljegeursel Meng meel, sout, suiker in groot skottel. Frummel smeer en vet daarin. Voeg die stroop by en meng. Maak die koeksoda met `n bietjie van die koffie aan en voeg dit saam met die res van die koffie en die geursel by die meelmengsel. Meng alles goed om `n deeg te vorm. Plaas deeg in plastieksak en laat oornag staan. Rol deeg die volgende dag dun uit. Sny langwerpige koekies. Maak die bokant van `n vurk skurf of fatsoeneer koekies met `n vleismeulkoekiesmaker. Bak dit 10-12 min in oond tot goudbruin. Vulsel: 25ml kitskoffie poeier 25ml kookwater 200g (250ml) witsuiker 115g (125ml) botter/margarine 75ml melk Maak koffiepoeier met die kookwater aan.  Voeg die suiker,smeer en melk by. Verhit dit tot kookpunt en kook 5min lank.        Haal dit van die stoof af en klop dit met `n houtlepel tot styf en laat koud word.   Smeer op koffiekoekies en plak koekies op mekaar vas. Lewer 35 ongevulde koekies