Kerrie-Piesang en Piesang-Patat                Main page/Hoof bladsy                           Home Twee heerlike disse. Net iets anders. Kerrie-piesang 2 gekapte uie                            12,5 ml appelkooskonfyt 25 ml botter                               12,5 ml asyn 12,5 ml kerriepoeier                  1 ml sout 1 suur appel, geskil                   250 ml water en grof gerasper                         4 piesangs Braai die ui bruin in die botter.  Roer die kerriepoeier by en braai vir nog 'n rukkie. Voeg die res van die bestanddele by, behalwe die piesang. Maak die kastrol toe en stowe saggies vir omtrent 10 min. Sny die piesangs in die lengte deur en pak in die sous. Stowe saggies vir nog 10min. Skep die piesangs in die middel van 'n opskepskottel, omring met gaar rys en hard gekookte eierhelftes. Versier met tamatie- en groenrissieringe. Lewer 2 porsies. Piesang-patat 500 ml gaar patat                     1 piesang, in skywe gesny 1 eier, geskei                            25 ml suiker 25 ml botter                              2 ml sout Klop die patat, eiergeel, botter en sout saam. Skep in 'n gesmeerde bakskottel en pak die piesangskywe daarop. Klits die eierwit met die suiker totdat dit 'n dik, stywe meringue vorm.  Smeer die meringue met 'n vurk oor die patatmengsel. Bak 30 min in 'n matige oond 180°C (350°F). Lewer 4 porsies