Ongekookte Fudge                                                                         Na: Uit die Kombuis                                           Home Fudge is altyd een van daardie lekkernye wat nie weerstaan kan word nie. Bestandele: 3 Pakke (200g elk) Mariebeskuitjies (fyngedruk) 1 Pak (500g) Versiersuiker, gesif 500g margarien, gesmelt 1 blik (380g) karamel kondensmelk, geklits tot glad 10ml vanieljegeursel Metode: Spuit 'n bakplaat van 27 x 39cm met kleefwerende middel. Meng die mariebeskuitjies en gesifte versiersuiker saam in 'n groot mengbak. Klits die margarien, karamel kondensmelk en vanielje- geursel en meng goed.  Druk die mengsel vas in die voorbereide bakplaat en plaas in die koelkas om hard te word. Laat oornag in die koelkas vir die beste resultate. Sny in blokkies en bêre in 'n lugdigte houer in die koelkas. Lewer ongeveer 60 blokkies