Heerlike outydse melktert                                                      Na: Uit die Kombuis                                                               Home Ons is almal mal oor melktert. Hoekom nie die resep probeer nie. Kors: 1 kop meel                                    1 t bakpoeier bietjie neut of lemoenolie             sout 1 eier                                             1/4 koppie botter/margarien bietjie melk                                   1/4 kop suiker Metode: Maak aan tot slapperige deeg.  Druk vas in 'n glasbak en bak vir 15min by 180°C totdat deeg effens verbruin. Moet nie telank bak nie anders word kors hard.  Haal uit oond en hou bord eenkant. Vulsel: Kook 4 1/2 koppies melk Meng 3 eiergele (eiergeel en wit geskei) en 3/4 kop suiker baie goed. Voeg 2 1/2 desertlepel opgehoopte meel en 2 1/2 desertlepel opgehoopte maizena by. Voeg 3 eetlepels botter/margarien by. Klits die mengsel baie goed Voeg bogenoemde mengsel by gekookte melk.  Roer die mengsel terwyl dit kook totdat dit verdik.  Haal van stoof af en gooi geklitste eierwit  by.  Roer goed. Gooi die vulsel in die reeds gebakte kors. Gooi kaneel oor en laat staan die melktert by kamertemperatuur.