Lemoenkoek                                                                                Na: Uit die Kombuis                                                       Home Vir die fynproewer, 'n lemoenkoek. Bestandele: 750ml ongesifte koekmeel                             15ml bakpoeier 1ml sout                                                           200ml margarien by kamertemperatuur 500ml strooisuiker                                          2 lemoene 3 ekstra groot eiers Vulsel en versiersel: 1 ekstra groot eier                                         50ml lemoensap gerasperde skil van 1 lemoen                      500g Versiersuiker Metode: Voorverhit oond tot 190°C.  Smeer twee langkoekpanne, elk 23cm in deursnee en bespuit met 'n bietjie koekmeelblom of bespuit panne met nie-kleefmiddel.  Sif koekmeelblom, bakpoeier en sout drie keer saam.  Rasper die skil van 1 lemoen.  Druk albei lemoene se sap uit en vul dit met koue water aan totdat dit 250ml is.  Voeg lemoenskil by lemoensap. Room botter en strooisuiker, voeg eiers een vir een by bottermengsel en roer goed na elke byvoeging.  Roer meelmengsel beurtelings met lemoensapmengsel by bottermengsel; begin en eindig met meelmengsel en roer in een rigting tot gemeng.  Skep deeg in koekpanne en maak gelyk.   Bak 40-45min.  Oondrak moet in middel van oond wees.   Toets of gaar deur liggies met die vinger op die koek tge druk.  As die duikie terugbeweeg is die koek gaar. Haal uit oond, laat effens afkoel in panne en keer dan uit op 'n draadrak en laat koud word.