Geurige Hoender en Pastagereg                                        Uit die Kombuis                                Home Geurige Hoender en Pastagereg Met sondroë tamaties en pesto in die kas is dit altyd maklik om 'n heerlike gereg op die tafel te sit. 400g tagliatelle-pasta 25 ml olyfolie 20 ml botter 4 hoenderborsies, in repies gesny 250 g sampioene, gehalveer 1-2 knoffelhuisies, fyngekap sout en vars gemaalde swart peper 1 pakkie (240 g) sondroe tamaties 1 pakkie (125g) basielkruidpesto 40 ml botter 40 ml koekmeel 350 ml melk 150 ml gerasperde beleë chedderkaas Metode Voorverhit die oond tot 220°C en smeer 'n oondbak liggies Kook die pasta in soutwater tot gaar Verhit intussen die olie en botter en braai die hoender, sampioene en knoffel tot dit begin bruin word. Geur met sout en peper na smaak. Roer die sondroë tamaties en pesto by die hoender en laat deurwarm word. Berei in tussen 'n witsous met die botter, meel en melk en geur met sout en peper na smaak. Skep die helfte van die gaar pasta in die gesmeerde bak. Skep al die hoender op die pasta en bedek daarna met die res van die pasta, smeer die witsous oor die pasta en sprinkel die kaas oor. Bak net tot die kaas begin smelt.