Hertzoggies                                   Na: Uit die Kombuis                                     Home Smullekker Hertzoggies soos ons dit geken het in die goeie ou dae. Kors 450ml Koekmeelblom 10ml Bakpoeier 125g Margarien 15ml Koue water of melk 37.5ml Strooisuiker 1ml Sout 3 Eiergele van ekstra groot eiers Vulsel 75ml Fyn appelkooskonfyt 300ml Suiker 3 Eierwitte van ekstra groot eiers 500ml Fyn klapper Metode Sif koekmeelblom, strooisuiker, bakpoeier en sout saam. Vryf botter ligies met die vingers daarin tot goed gemeng. Klits eiergele en water effens, voeg nog 'n bietjie water of melk by as die deeg styf is. Knie goed, bedek en laat 'n rukkie eenkant om te rus. Rol deeg dun uit op 'n deegplank wat met meel bestrooi is. Druk groot sirkels met 'n koekiedrukker af en plaas in die holtes van groot kolwyntjiepanne. Skep 'n klontjie appelkooskonfyt in die middel van elke sirkel. Klits eierwitte tot goed styf. Klits suiker geleidelik by. Roer klapper by. Skep lepels vol vulsel op appelkooskonfyt in sirkels. Bak 20 - 25 minute in voorverhitte oond by 180°C. Haal versigtig uit panne en laat afkoel op 'n draadrak. Lewer 30 koekies.