Donker Vrugtekoek                  Main page/Hoof bladsy                  Home

Donker vrugtekoek vir daardie spesiale feestye en spesiale geleendhede

4 X 250 ml koekmeelblom hoogvol
500 g margarien
750 ml suiker
12 eiers, geskei
30 ml kaneel
15 ml kitskoffiepoeier
30 ml kakao, hoogvol
5 ml koeksoda opgelos in 15 ml suurlemoensap
5 ml amandelgeursel
30 ml appelkooskonfyt
250 ml brandewyn/water/sap
2,5 ml sout
1 ml fyn naeltjies
1 ml fyn gemmer
1,5 kg gemengde verglansde vrugtekoekmengsel
(koop sommer by Fruit & Veg in 'n rooi emmertjie)
1. Klits suiker en margarien tot room.
2. Gooi geursel en sout by.
3. Voeg eiergele een vir een by, klits deeglik.
4. Meng die speserye met die meel.
5. Meng droe bestanddele met margarienmengsel.
6. Voeg vrugtemengsel by en meng goed.
7. Voeg die brandewyn, suurlemoensap met koeksoda by.
8. Vou die styfgeklopte eierwitte heel laaste in.
9. Skep in voorbereide panne en bak vir ongeveer 3 ure teen 150°C
10.Laat die koek goed afkoel.
11. Gooi 125 ml lemoensap/brandewyn oor koek.