Room Poffertjies                    Main page/Hoof bladsy                          Home

250 ml kookwater
110 ml margarien
250 ml koekmeelblom
1 ml sout
4 eiers
1. Plaas kookwater in kastrol, voeg margarien by en laat smelt oor lae
hitte.
2. Sif koekmeelblom en sout goed saam.
3. Verhit water-en-bottermengsel tot kookpunt en voeg
koekmeelblommengsel alles in 'n hoop by.
4. Roer vinnig met 'n houtlepel totdat 'n bal in middel van kastrol vorm en
niks meer aan kante van kastrol vassit nie.
5. Verwyder van hitte en laat effens afkoel.
6. Wanneer afgekoel, voeg eiers een vir een by en klop goed met 'n
elektriese klitser na elke byvoeging.
7. Skep lepelsvol van mengsel op gesmeerde bakplaat, of in
kolwyntjiepanne.
8. Bak in voorverhitte oond van 200°C vir ongeveer 35 – 40 minute
tot goudkleurig en gaar.
9. Haal uit oond, steek gaatjies bo-op met toetspennetjie dat stoom kan
ontsnap.
10.Laat afkoel.
11. Vul met room en gooi gesmelte sjokolade oor, of die onderstaande
versiersel kan oor gegooi word.
12.'n Dik vla kan gemaak word en as vulsel gebruik word.
Versiersel
190 ml versiersuiker
50 ml kakao
Sowat 7,5 ml warm water
50 g margarien
1. Sif versiersuiker en kakao saam.
2. Voeg warm water by en roer tot 'n gladde mengsel.
3. Smelt margarien en voeg by mengsel en roer deeglik.
4. Smeer/drup oor poffertjies.