 Sjampanje-ontbyt
Vir `n heerlike verandering kan dit opwindend wees
om die dag te begin met `n sjampanje-ontbyt. Omdat `n sjampanje-ontbyt former of informeel voortgesit kan word, is dit ook `n uitstekende manier van onthaal tydens `n verlowingspartytjie of `n troue. Die woord “ontbyt” dui aan dat dit `n redelike vroeë onthaal is en gewoonlik begin dit dan ook tussen 08:00 en 09:30. Alle ontbytgeregte is dus geskik vir hierdie tipe van onthaal en met `n genotvolle drankie soos sjampanje sal al die gaste gou in die regte luim wees vir `n
heerlike partytjie.
Probeer om die tafel so feestelik moontlik te laat vertoon. As die funksie formeel is kan u `n deftige tafeldoek gebruik met silwer en glas, of anders `n vrolike gekleurde tafeldoek met bypassende servette. Erdeware lyk pragtig en is informeel. `n Blommerangskikking wat by die kleurskema pas dra daartoe by om `n feestelike atmosfeer te skep.
Afhangende van die aantal gaste wat u verwag en
die ruimte tot u beskikking, kan u self oordeel of u `n aansit-ontbyt wil bedien en of u die geregte op `n tafel wil dek soos vir `n buffetonthaal.
Spyskaart vir `n Sjampanje-ontbyt
Joghurt-vrugtekelkie
Tuna in Sampioene gebak
Franse omelet met ham en aspersierolletjies
Niertjiepastei
Gevulde, gebakte tamaties
Heelgraanbroodjie
Sjampanje
Koffie/tee
Melktertjies
Resepte vir Sjampanje-ontbyt
Joghurt-vrugtekelke
500ml Joghurt gewoon of gegeurd
Piesang
Spoel die aarbeie af en verwyder stingelgedeelte.
Skil die piesang af en sny in dun skyfies. Meng die vrugte met die joghurt en skep in kelkies. Versier met kruisementblaartjies en bedien koud.
Tuna in sampioene gebak
groot vars sampioene afgespoel en droog gemaak.
225g Blikkie tuna gedreineer
25ml seldery fyngekap
45ml groen soetrissie fyngekap
20ml droë witwyn
15ml ui gekap
1ml droë oregano
10ml pietersielie fyngekap
75ml Parmesankaas
Verwyder die stamme van die skoongemaakte sampioene. Plaas al die ander bestandele behalwe
die kaas in die versapper en versap of druk die
mengsel deur `n sif. Vul sampioene. Strooi die kap
bo-oor en plaas op `n bakplaat. Plaas vir 8 min onder oondrooster. Bedien dadelik.
Franse Omelet
eiers
10ml water
3ml sout
20ml botter
knippie peper
Klits die eiers, voeg water, sout en peper by.
Meng. Verhit die braaipan en smelt die botter daarin. Giet die eiermengsel in sodra die botter begin sis. Braai oor `n matige hitte en lig die kante van die
omelet effens met `n slaplemmes. Lig die pan as
die omelet te vinnig braai en nog nie bo styf word nie. Die omelet is gaar as dit bo-op nog sag en romerig is maar nie loperig nie. Hou `n warm bord gereed en
laat die omelet op die bord uitglip. Dien warm op met kaassous.
Kasssous
37,5ml botter
37,5ml meelblom
200ml melk
3ml sout
1ml peper
5ml mosterd
200ml gerasperde Cheddarkaas
|
Resepte Afrikaans - Kaas en Wyn 3
Maak `n witsous deur die botter oor `n lae hitte te smelt en dan die meelblom en mosterd by te voeg. Roer die melk stadig by. Roer en
kook 3 min lank totdat die sous glad en dik is. Geur die mengsel met sout en peper. Voeg die kaas by net voor opdiening.
Ham-en aspersierolletjies
stukkies dun gesnyde ham
410g vars of ingemaakte aspersies
12,5ml aangemaakte mosterd
Smeer die stukkies ham met mosterd. Rol dan een of twee aspersies daarin to en steek met peuselstokkie vas.
Plaas in oond om warm te word en bedien met kaassous.
Niertjiepaste
10 skaapniertjies
400g beesvleis sonder bene
sout en peper na smaak
50ml meelblom
25ml botter
medium ui in skywe gesny
500g gevriesde blaardeeg
500ml kookwater
50ml asyn
lourierblare
4 naeltjies
100ml suurroom
Verwyder vliesies om en buisies uit die niertjies en sny in stukkies.
Sny die beesvleis in blokkies. Geur die niertjies en beesvleis met sout
en peper, strooi met meelblom om elke stukkie te bedek. Verhit die
botter in `n kastrol en braai die niertjies en vleis effens bruin. Voeg die
ui by en braai nog 5min lank. Voeg die water, asyn, lourierblaar en naeltjies by. Kook 1 ½ uur lank oor stadige hitte. Voeg die suurroom by sodra die vleis saggekook is. Skep die vleis in `n pasteiskottel met
`n pasteitregter in die middel. Plaas nou die uitgerolde blaardeeg bo-oor en druk die rand vas om dit in posisie te hou. Moenie die deeg rek nie. Verf met verdunde melk en eiergeel. Sny spleetjies hier en daar sodat
die stoom kan ontsnap. Bak 10 min lank in `n warm oond 230°C. Verminder die hitte tot 200°C en bak
nog 20-25 min lank.
Gevulde, gebakte tamaties
middelmatige tamaties
200g lewerworssmeer
200g geroomde maaskaas
20ml gekapte ui
sout en peper na smaak
Sny die bokant van elke tamatie af en krap die sagte gedeelte van elke tamatie uit. Meng die lewerworssmeer, tamatiemoes en roomkaas
saam. Geur met sout en peper. Vul elke tamatie met lewerworsmengsel. Plaas op `n gesmeerde bakplaat. Bak in `n matige oond 180°C vir 15-20 min lank.
Volgraanbroodjie
400g volgraanmeelblom
8ml koeksoda
5ml sout
60ml wit uiesoppoeier
250ml ongegeurde joghurt
250ml karringmelk
eier
25ml botter, gesmelt
Sif die meelblom, koeksoda en sout saam. Meng joghurt, karringmelk, uiesop, eier en gesmelte botter saam. Voeg by meelmengsel en meng
tot `n sagte deeg. Skep in `n goed gesmeerde broodpan en bak by
180°C vir ongveer 50 min. Toets met toetspen. Laat afkoel op draadrakkie.
Melktertjies
stukkie pypkaneel
500ml warm melk
75ml suiker
knippie sout
75ml meelblom
125ml botter
eiers geklits
broskorsterddoppies
Voeg die pypkaneel by die melk en verhit tot kookpunt. Haal die geurmiddel uit. Meng die suiker, sout en meelblom, voeg `n bietjie
warm melk stadig by en meng goed. Gooi terug in die kastrol en kook terwyl dit geroer word. Haal van die stoof af en roer die botter in. Laat afkoel en roer die geklitste eier in. Skep die vulsel in terddoppies.
Strooi kaneelsuiker oor en bak 10 min lank in `n baie warm oond, 240°C. Verminder die hitte tot 180°C en bak nog 10 min lank. Dien warm of
koud op.
Broskors
500g meelblom
5ml sout
250g botter
40g suiker
175ml yswater
25ml suurlemoensap
Sif die meelblom en sout saam. Sny en verf die botter daarin. Los die suiker in die water op en voeg die suurlemoensap by. Sprinkel net
genoeg vloeistof oor die meelblom en bottermengsel om dit aan te klam. Druk aanmekaar met `n vurk. Moenie die deeg knie nie. Draai dit in waspapier toe en verkoel. Rol dun uit en druk liggies in `n koekpannetjie vas. Prik en bak vir 15min lank tot goudbruin ten 240°C
|